Një grup me studente në Kinë u detyruan të flenë jashtë në vapën përvëluese, të mbështjella me batanije të trasha.
Ky ishte ndëshkimi për mbi 20 studente, për shkak se nuk kishin rregulluar krevatin apo pastruar dhomat.
Disa prej tyre u detyruan të ecin me kova mbi kokë dhe me batanije në trup, ndërkohë që 2 mijë studentë të tjerë shihnin.
Sipas mediave, ky ndëshkim turpërues është një mënyrë për të disiplinuar studentët që marrin pjesë në kurset e detyrueshme të trajnimit ushtarak në Kolegjin Vokacional të Gjuhëve të Huaja në Kinë.
Temperatura ishte 32 gradë celsius.
Zbori ushtarak është i detyrueshëm në shkollat e mesme dhe të larta në Kinë.
Zakonisht zgjat një muaj, por në të shkuarën ka zgjatur mbi një vit.
Opinioni publik është i ndarë në lidhje me detyrimin për këtë zbor.
