Ish-drejtori i BE për Ballkanin dhe eksperti i kontaktuar nga Brukseli për Reformën në Drejtësi në Shqipëri, Reinhard Priebe është i ftuar nderi në Ditët e Studimeve Shqiptare në UET, 28-29 prill, kur mbahet konferenca ndërkombëtare mbi “Rimodelimin e reformave për një model të ri të rritjes ekonomike”
“Rimodelimi i reformave për një model të ri të rritjes ekonomike-studimi i Shqipërisë – ekonomia, politika, zhvillimi social, perspektiva e të ardhmes”, është tema e zgjedhur për Konferencën Ndërkombëtare që mbahet në datat 28-29 prill në Universitetin Europian të Tiranës në kuadër të Ditëve të Studimeve Shqiptare.
E kthyer në traditë, kjo konferencë mbahet në vitin e 4-ët radhazi dhe folës kryesorë do të ketë studiues të huaj dhe vendas.
I ftuar nderi në në këtë edicion do të jetë Reinhard Priebe, ish-drejtor i Komitetit të Jashtëm të BE-së.
Priebe ishte përgjegjës për Ballkanin Perëndimor nga viti 2001 deri në vitin 2006.
Pas daljes në pension, Komisioni Europian e porositi atë për të kryer një hetim të thellë për ngjarjet në Maqedoni, për të cilat ai paraqiti raportin në qershor 2015.
Ai e njeh mjaft mirë vendin tonë.
Priebe ka qenë në rolin e Kryenegociatorit të Komisionit Europian në marrëveshjen e Asocim Asocim – Stabilizimit me Shqipërinë në vitin 2005 dhe ka qenë kritik për çështjet e luftës kundër krimit dhe korrupsionit.
Kur Brukseli po përgatiste grupin e ekspertëve që do të asistonin zbatimin e Reformës në Drejtësi në Shqipëri, emri i politikanit gjerman doli sërish në skenë pasi KE i kërkoi atij ekspertizë para se të niste në Tiranë ekspertët e Operacionit Ndërkombëtar të Monitorimit (OMN).
Priebe do të flasë në sesionin hapës të Konferencës Ndërkombëtare në UET dhe tema që ka zgjedhur ka të bëjë me të ardhmen e Bashkimit Europian: “Duke parë përpara: Axhenda e Romës për BE-në”.
Në këtë konferencë është e ftuar edhe Ministrja e Zhvillimit Ekonomik, Milva Ekonomi, e cila do të flasë mbi reformat e ndërmarra nga qeveria aktuale për zhvillimin e ekonomisë së vendit.
DSSH si festival idesh
Konferenca do të mbahet 2 ditë dhe me disa panele studiuesish, të huaj dhe vendas.
Studiues dhe profesorë të universiteteve më të njohur në Europë, si Nico Carpentier dhe Vaia Doudaki nga Uppsala University, Paul Nixon nga Hague University, Dr. Anikó Kelemen-Erdős nga Óbuda University, Bozidar Todorov, CEO i Investment Bank Albania, etj., do të referojnë mbi temën e reformave dhe modelin e rritjes ekonomike.
Brenda objektivit dhe filozofisë së DSSH si një festival idesh gjatë dy ditëve të konferencës do të ketë diskutime dhe studime shkencore që i kushtohen ekonomisë dhe zhvillimit social të vendit dhe reformave në kuadër të rritjes ekonomike.
Do të shqyrtohen problemet dhe sfidat aktuale dhe të ardhshme të Shqipërisë në lentet analitike akademike dhe shkencore për të nxjerrë në pah arritjet kyçe, por gjithashtu për të vënë në dukje mundësitë e humbura.
Referuesit në Ditët e Studimeve Shqiptare:
Vaia Doudaki
Vaia Doudaki është Profesore e Asociuar e Studimeve të Medias dhe Komunikimit në Departamentin e Informatikës dhe Medias të Universitetit Uppsala. Hulumtimi i saj fokusohet në përfaqësime, identitete dhe diskutime në media. Puna e saj më e fundit është botuar në revista të tilla si Journalism, Gazeta Evropiane e Komunikimit, Javnost, Studimet e Gazetarisë.
Bozidar Todorov
Z.Bozhidar Todorov ka qenë shefi ekzekutiv i Bankës së Parë të Investimeve në Shqipëri (FIB Albania). Todorov ka 11 vjet përvojë të suksesshme bankare. Pozita e tij e mëparshme të cilën e ka mbajtur për katër vjet ishte ajo e Shefit të Aktiveve të Zhvlerësuara dhe Departamentit të sigurimit në Bankën e Parë të Investimeve në Bullgari. Ai është përballur me pozicione të ndryshme në sektorin bankar që nga viti 1996. Ai është fokusuar në zbatimin e zhvillimit të biznesit të orientuar nga klientët dhe strategjik në FIB Albani.
Nico Carpentier
Nico Carpentier është Profesor në Studimet e Medias dhe Komunikimit në Departamentin e Informatikës dhe Medias të Universitetit Uppsala. Përveç kësaj, ai mban dy pozita me kohë të pjesshme, ato të Profesoreve të Asocuar në Departamentin e Studimeve të Komunikimit të “Vrije Universiteit” në Bruksel dhe Docent në Universitetin Charles në Pragë. Për më tepër, ai është hulumtues në Universitetin e Teknologjisë së Qipros dhe Universitetin Loughborough. Më parë ishte Menaxhues në ECREA dhe Zëvendëskryetar dhe Menaxhues në IAMCR .
Paul Nixon
Paul Nixon është një ligjërues kryesor në Shkencat Politike dhe Shef i Kërkimeve në Studimet Evropiane, Universiteti i Shkencave të Aplikuara të Hagës dhe Hollandës. Ai ka përvojë në një numër projektesh të BE-së, të tilla si GAIDA dhe COST-14 projekte në fushat e gjera të Demokratizimit, Transparencës dhe Mediave. Ai ka kontribuar me kapituj në shumë koleksione të redaktuara për përdorimin e TIK-ut, veçanërisht në fushat e partive politike, demokracisë elektronike dhe mirëqenies sociale.
Dr. Anikó Kelemen-Erdős
Dr. Anikó Kelemen-Erdős është asistent profesor në Fakultetin e Biznesit dhe Menaxhimit të Keleti Károly të Universitetit Óbuda, Hungari. Ajo kreu doktoraturën e saj në marketing në Universitetin e Teknologjive dhe Ekonomisë të Budapestit në vitin 2014. Fusha e saj kryesore e kërkimit është marketingu, sidomos logjika e dominimit të shërbimit dhe logjika kryesore e konsumatorit. Interesat e saj kërkimore përfshijnë marketingun me pakicë dhe menaxhimin e transportit publik.
